- Lyrics
- Album list
張羽偉
-
恆春謠
21092/《恆春謠》Hîng-tshun Iâu 張羽偉Tiunn Ú-uí 焦炭樂團Tsiau-thuànn Ga̍k-thuân
落山的風啊 lo̍h-suann ê hong--ah 吹過來 tshue--kuè-lâi 吹來吹去啊 tshue-lâi-tshue-khì--ah 吹落海 tshue lo̍h-hái 落山的風啊 lo̍h-suann ê hong--ah 真厲害啊 tsin lī-hāi--ah 毋信啊來遮 m̄ sìn--ah lâi tsia 予伊吹看覓 hōo i tshue khuànn-māi
恆春的風啊 Hîng-tshun ê hong--ah 吹過來 tshue--kuè-lâi 吹來吹去啊 tshue-lâi-tshue-khì--ah 像風颱 tshiūnn hong-thai 恆春的風啊 Hîng-tshun ê hong--ah 真厲害啊 tsin lī-hāi--ah 跤步若無穩 kha-pōo nā bô ún 你會倒頭栽 lí ē tò-thâu-tsai
真厲害啊真厲害 tsin lī-hāi--ah tsin lī-hāi 對遮來 uì tsia lâi 你對遮來 lí uì tsia lâi 來看覓 lâi khuànn-māi 你來看覓啊 lí lâi khuànn-māi--ah 恆春欲予你 Hîng-tshun beh hōo lí 耍甲笑咍咍 sńg kah tshiò-hai-hai
恆春是古城 Hîng-tshun sī kóo-siânn 通人知 thong-lâng tsai 城門紅紅 siânn-mn̂g âng-âng 是為你開 sī uī lí khai 請你踅啊來看覓啊 tshiánn lí se̍h--ah lâi khuànn-māi--ah 第一个縣城 tē-it-ê kuān-siânn 名聲對佗來 miâ-siann uì toh lâi
恆春的民謠 Hîng-tshun ê bîn-iâu 是通四海 sī thong sù-hái 月琴的故鄉 gue̍h-khîm ê kòo-hiong 欲按怎來 beh án-tsuánn lâi 請你相招啊 Find more lyrics at ※ Mojim.com tshiánn lí sio-tsio--ah 來看覓啊 lâi khuànn-māi--ah 恆春有八景 Hîng-tshun ū pat kíng 無看你毋知 bô khuànn lí m̄-tsai
通人知啊 thong-lâng tsai--ah 通人知啊 thong-lâng tsai--ah 趕緊來 kuánn-kín lâi--ah 你趕緊來啊 lí kuánn-kín lâi--ah 來看覓 lâi khuànn-māi 你來看覓啊 lí lâi khuànn-māi--ah 古城欲予你 kóo-siânn beh hōo lí 耍甲爽歪歪 sńg kah sóng uai-uai
歷史的事件 li̍k-sú ê sū-kiānn 是按怎來 sī-án-tsuánn lâi 恆春起城 Hîng-tshun khí-siânn 是為啥代 sī uī siánn tāi 古城添粧 kóo-siânn thiam-tsng 是為後代啊 sī uī āu-tāi--ah 誠心誠意啊 sîng-sim sîng-ì--ah 請你來看覓 tshiánn lí lâi khuànn-māi
月琴的故鄉 gue̍h-khîm ê kòo-hiong 是對佗來 sī uì toh lâi 月琴的傳奇啊 gue̍h-khîm ê thuân-kî--ah 你敢知啊 lí kám tsai--ah 請恁踅啊來看覓啊 tshiánn lín se̍h--ah lâi khuànn-māi--ah 歌聲依舊 kua-siann i-kū 毋過人不在 m̄-koh lâng put tsāi
思啊思雙枝 su--ah su-siang-ki 你這馬佇佗位啊 lí tsit-má tī tó-uī--ah 古早的歌詩 kóo-tsá ê kua-si 欲佗位啊去揣你 beh tó-uī--ah khì tshuē lí
思啊思雙枝 su--ah su-siang-ki 欲佗位啊聽著你 beh tó-uī--ah thiann-tio̍h lí 好聽的歌詩 hó-thiann ê kua-si 來恆春去揣伊 lâi Hîng-tshun khì tshuē i
- Special thanks to W.B. Chen for sharing the lyric.
- Related Links: W.B. Chen
|