- Album Intro
- Lyrics
- Album list
- Singer Intro
曹雅雯
-
回魂
Lyricist:武雄 Composer:張三、曹雅雯
冷冷个海風,聲聲來喝醒,庄口个風獅爺 紅紅个火光,雄雄飛過了,黃昏个太武山 是啥物罪孽,是啥物冤仇,有啥人會知影 無停个戰火,無情个改變,彼濟人个運命
轉來哦~緊轉來哦~ 失散个囝仔,聽袂著父母,思念个叫聲 轉來哦~緊轉來哦~ 無停个戰火,無情个改變,彼濟人个運命
陣陣个海湧,慢慢將船隻,接引來到台西 脆脆个人命,濁濁个世情,斷送了一蕊花 是誰个保庇,是誰來顯靈,收留著伊一个 無情个時代,無奈个一切,無人知个輪迴
轉來哦~緊轉來哦~ 靈聖个千歲,鎮守在安西,引風牽魂飛 轉來哦~緊轉來哦~ 無情个時代,無奈个一切,無人知个輪迴
靜靜个等待,苦苦个安排,神明也有允准 花花个世間,茫茫个乾坤,陰陽閣再轉輪 是啥物造化,是啥物緣份,心願會當回魂 無為著怨嘆,無為著抾恨,只是為著報恩
轉來哦~緊轉來哦~ 無仝个身軀,仝款个身份,註好个命運 轉來哦~緊轉來哦~ 無為著怨嘆,無為著抾恨,只是為著報恩
------------------------------------------
20361/《回魂》Huê-hûn 曹雅雯Tsô Ngá-bûn
冷冷的海風 líng-líng ê hái-hong 聲聲來喝醒 siann-siann lâi huah tshínn 庄口的風獅爺 tsng-kháu ê hong-sai-iâ 紅紅的火光 âng-âng ê hué-kng 雄雄飛過了 hiông-hiông pue kuè liáu 黃昏的太武山 hông-hun ê Thài-bú-suann
是啥物罪孽 sī siánn-mih tsuē-gia̍t 是啥物冤仇 sī siánn-mih uan-siû 有啥人會知影 ū siánn-lâng ē tsai-iánn 無停的戰火 bô-thîng ê tsiàn-hué 無情的改變 bô-tsîng ê kái-piàn 遐濟人的運命 hiah tsuē lâng ê ūn-miā
轉來喔 tńg--lâi ooh 緊轉來喔 kín tńg--lâi ooh 失散的囡仔 sit-suànn ê gín-á 聽袂著 thiann buē-tio̍h 爸母思念的叫聲 pē-bú su-liām ê kiò-siann 轉來喔 tńg--lâi ooh 緊轉來喔 kín tńg--lâi ooh 無停的戰火 bô-thîng ê tsiàn-hué 無情的改變 bô-tsîng ê kái-piàn 遐濟人的運命 hiah tsuē lâng ê ūn-miā
陣陣的海湧 tsūn-tsūn ê hái-íng 慢慢將船隻 bān-bān tsiong tsûn-tsiah Find more lyrics at ※ Mojim.com 接引來臺西 tsiap-ín lâi Tâi-se 脆脆的人命 tshè-tshè ê lâng-miā 濁濁的世情 lô-lô ê sè-tsîng 斷送了一蕊花 tn̄g-sàng liáu tsi̍t-luí hue
是誰的保庇 sī siáng ê pó-pì 是誰來顯靈 sī siáng lâi hián-lîng 收留著伊一个 siu-liû tio̍h i tsi̍t-ê 無情的時代 bô-tsîng ê sî-tāi 無奈的一切 bô-nāi ê it-tshè 無人知的輪迴 bô-lâng tsai ê lûn-huê
轉來喔 tńg--lâi ooh 緊轉來喔 kín tńg--lâi ooh 靈聖的千歲 lîng-siànn ê tshian-suè 鎮守在安西 tìn-siú tsāi An-se 引風牽魂飛 ín hong khan hûn pue 轉來喔 tńg--lâi ooh 緊轉來喔 kín tńg--lâi ooh 無情的時代 bô-tsîng ê sî-tāi 無奈的一切 bô-nāi ê it-tshè 無人知的輪迴 bô-lâng tsai ê lûn-huê
靜靜的等待 tsīng-tsīng ê tán-thāi 苦苦的安排 khóo-khóo ê an-pâi 神明也有允准 sîn-bîng iā ū ún-tsún 花花的世間 hua-hua ê sè-kan 茫茫的乾坤 bâng-bâng ê khiân-khun 陰陽閣再轉輪 im-iông koh-tsài tsuán-lûn
是啥物造化 sī siánn-mih tsō-huà 是啥物緣份 sī siánn-mih iân-hūn 心願會當回魂 sim-guān ē-tàng huê-hûn 無為著怨嘆 bô uī-tio̍h uàn-thàn 無為著抾恨 bô uī-tio̍h khioh-hīn 只是為著報恩 tsí-sī uī-tio̍h pò-un
轉來喔 tńg--lâi ooh 緊轉來喔 kín tńg--lâi ooh 無仝的身軀 bô-kāng ê sin-khu 仝款的身份 kāng-khuán ê sin-hūn 註好的命運 tsù-hó ê miā-ūn 轉來喔 tńg--lâi ooh 緊轉來喔 kín tńg--lâi ooh 無為著怨嘆 bô uī-tio̍h uàn-thàn 無為著抾恨 bô uī-tio̍h khioh-hīn 只是為著報恩 tsí-sī uī-tio̍h pò-un
無為著抾恨 bô uī-tio̍h khioh-hīn 只是為著報恩 tsí-sī uī-tio̍h pò-un
- Special thanks to W.B. Chen for correcting the lyric.
- Related Links: W.B. Chen
|