- Album Intro
- Lyrics
- Album list
- Singer Intro
邵大倫
-
食飽未
Lyricist:邵大倫、武雄 Composer:邵大倫
一句邀請的話 食飽未 無就佮我做伙 做伙來走揣 台灣頭佮台灣尾好料的 早頓中晝喑頓宵夜 食飽未
免講彼濟 咱上在地 做伙踅踅咧 有啥物問題 大位你坐 我來奉茶 食飯皇帝大 萬事攏OK
上界親切的話 食飽未 毋管食飽猶未 咱攏來遮坐 台灣味佮人情味是有夠濟 鄉親序大厝邊隔壁 食飽未
(口白) 來來來來來 自古以來 民以食為天 對有毛食甲棕簑 有毒的食甲刺䲅 會飛的食甲雞胿 會行的食甲電梯 細間的食到路邊 大間的食到百貨公司 有人早頓愛食咖啡 有人暗頓食到三更 有人食粽愛配芫荽 有人食糜愛配麵麶 有人相唚 食著胭脂啊
魚魚肉肉 著愛菜甲 一人食一半 感情較袂散 食飽睏 睏飽食 食飽飽 等放假 有放假 緊來揣我 我攢好料的予你食
這片土地 溫暖的家 全世界的朋友 攏是咱的兄弟姊妹 有閒愛相揣 無閒敲電話 千言萬語 嘛是這句話
有夠古錐的話 食飽未 阿公阿媽阿伯阿姆 食飽未 哥哥姊姊弟弟妹妹 食飽未 親情五⼗朋友一百 食飽未
woo oh woo woo oh woo woo oh woo 早頓中晝喑頓宵夜 食飽未
------------------------------------------
20343/《食飽未》Tsia̍h-pá--buē 邵大倫Siō Tāi-lûn
一句邀請的話 tsi̍t-kù iau-tshiánn ê uē 食飽未 tsia̍h-pá--buē 無就佮我做伙 bô tiō kah guá tsuè-hué 做伙來走揣 tsuè-hué lâi tsáu-tshuē 臺灣頭佮臺灣尾 Tâi-uân-thâu kah Tâi-uân-bué 好料的 hó-liāu--ê 早頓中晝 tsá-tǹg tiong-tàu 暗頓宵夜 àm-tǹg siau-iā 食飽未 tsia̍h-pá--buē
免講遐濟 bián-kóng hiah tsuē 咱上在地 lán siōng tsāi-tē 做伙踅踅咧 tsuè-hué se̍h-se̍h--leh 有啥物問題 ū siánn-mih būn-tê 大位你坐 tuā-uī lí tsē 啊我來奉茶 ah guá lâi hōng-tê 食飯皇帝大 tsia̍h-pn̄g hông-tè tuā 萬事攏OK bān-sū lóng OK
上界親切的話 siōng kài tshin-tshiat ê uē 食飽未 tsia̍h-pá--buē 毋管食飽抑未 m̄-kuán tsia̍h-pá ia̍h buē 咱攏來遮坐喔 lán lóng lâi tsia tsē--ooh 臺灣味佮人情味 Tâi-uân-bī kah jîn-tsîng-bī 是有夠濟 sī ū-kàu tsē 鄉親序大 hiong-tshin sī-tuā 厝邊隔壁 tshù-pinn keh-piah 食飽未 tsia̍h-pá--buē
↓↓(口白)---(口白)---(口白)↓↓ 來來來來來來 lâi lâi lâi lâi lâi lâi 自古以來 tsū-kóo í-lâi 民以食為天 bîn í si̍t uî thinn 對有毛食到棕蓑 tuì ū moo tsia̍h kah tsang-sui 有毒的食到刺䲅 ū-to̍k--ê tsia̍h kah tshì-kui Find more lyrics at ※ Mojim.com 會飛的食到雞胿 ē-pue--ê tsia̍h kah ke-kui 會行的食到電梯 ē-kiânn--ê tsia̍h kah tiān-thui 細間的 sè-king--ê 食到路邊 tsia̍h kàu lōo-pinn 大間的 tuā-king--ê 食到百貨公司 tsia̍h kàu pah-huè-kong-si
有人早頓愛食咖啡 ū-lâng tsá-tǹg ài tsia̍h ka-pi 有人暗頓食到三更 ū-lâng àm-tǹg tsia̍h kàu sann-kinn 有人食粽愛配芫荽 ū-lâng tsia̍h tsàng ài phuè iân-sui 有人食糜愛配麵麶 ū-lâng tsia̍h muê ài phuè mī-thi 有人相唚 ū-lâng sio-tsim 食著胭脂啊 tsia̍h-tio̍h ian-tsi--ah ↑↑(口白)---(口白)---(口白)↑↑
魚魚肉肉 hî-hî bah-bah 著愛菜佮 tio̍h-ài tshài kah 一人食一半 tsi̍t-lâng tsia̍h tsi̍t-puànn 感情較袂散 kám-tsîng khah buē-suànn 食飽睏 tsia̍h-pá khùn 睏飽食 khùn-pá tsia̍h 食飽飽 tsia̍h pá-pá 等放假 tán pàng-ká 有放假 ū pàng-ká 緊來揣我 kín lâi tshuē guá 我攢好料的 guá tshuân hó-liāu--ê 予你食 hōo lí tsia̍h
這片土地 tsit phiàn thóo-tē 溫暖的家 un-luán ê ke 全世界的朋友 tsuân sè-kài ê pîng-iú 攏是咱的兄弟姊妹 lóng-sī lán ê hiann-tī-tsí-muē 有閒愛相揣 ū-îng ài sio-tshuē 啊無閒就敲電話 ah bô-îng tō khà-tiān-uē 千言萬語 tshian-giân bān-gí 嘛是這句話 mā sī tsit kù uē
有夠古錐的話 ū-kàu kóo-tsui ê uē 食飽未 tsia̍h-pá--buē 阿公阿媽 a-kong a-má 阿伯阿姆 a-peh a-ḿ 食飽未 tsia̍h-pá--buē 哥哥姊姊 ko-ko tse-tse 弟弟妹妹 ti-ti me-me 食飽未 tsia̍h-pá--buē 親情五十 tshin-tsiânn gōo-tsa̍p 朋友一百 pîng-iú tsi̍t-pah 食飽未 tsia̍h-pá--buē
喔喔~ ooh-ooh~ 喔喔喔~ ooh-ooh ooh~ 喔喔~ ooh-ooh~ 喔喔喔~ ooh-ooh ooh~ 喔喔~ ooh-ooh~ 喔喔喔~ ooh-ooh ooh~
早頓中晝 tsá-tǹg tiong-tàu 暗頓宵夜 àm-tǹg siau-iā 食飽未 tsia̍h-pá--buē
- Special thanks to W.B. Chen for correcting the lyric.
- Related Links: W.B. Chen
|