- Album Intro
- Lyrics
- Album list
- Singer Intro
魏暉倪
-
尚水的話
Lyricist:魏暉倪 Composer:曾維梃@音樂霸
踅底大菜市 攏是細漢的記持 牽著你 合意你 的笑微微 山珍海味 看著阮嘴瀾 潺潺滴 講抹出嘴 聽無阿嬤在講啥咪
我有一些話 真想欲 互你知影我的 真情意 免講赫呢多 先學一句 我愛你
緊 來講閩南語 伊的趣味值千言萬語 對你的愛 像閩南語 止嘴乾閣抹礙胃
緊 來講閩南語 陪伴阮大漢點點滴滴 愈飛愈遠 愈思念伊 咱的心肝寶貝 世間上水的話
打開收音機 聽你唱港都夜雨 想當初 你嘛是 緣投甲無法度 行唱歌的路 天頂的阿公看顧 像火金姑 你是我永遠的IDOL
我有一些話 真想欲 互你知影我的 真情意 免講赫呢多 先學一句 我愛你
緊 來講閩南語 伊的趣味值千言萬語 對你的愛 像閩南語 止嘴乾閣抹礙胃
緊 來講閩南語 陪伴阮大漢點點滴滴 愈飛愈遠 愈思念伊 咱的心肝寶貝 這世間上水的話
底 囝仔時 跟尻川尾黏踢踢 幫 阮蓋被 底三更半暝 花 若離枝 離開故鄉千萬裡 恁 教阮講的 是厝的名字
緊 來講閩南語 伊的趣味值千言萬語 對你的愛 像閩南語 止嘴乾閣抹礙胃
緊 來講閩南語 陪伴阮大漢點點滴滴 愈飛愈遠 愈思念伊 咱的心肝寶貝 世間上水的話
上水的話 這世間上水的話
------------------------------------------
5906/《上媠的話》Siōng Suí ê Uē 魏暉倪Guī Hui-gê
踅佇大菜市 se̍h tī tuā-tshài-tshī 攏是細漢的記持 lóng-sī sè-hàn ê kì-tî 牽著你 khan tio̍h lí 佮意你的笑咪咪 kah-ì lí ê tshiò bi-bi 山珍佮海味 san-tin kah hái-bī 看著阮喙瀾㴙㴙滴 khuànn-tio̍h gún tshuì-nuā tsha̍p-tsha̍p-tih 講袂出喙 kóng buē tshut-tshuì 聽無阿媽咧講啥物 thiann-bô a-má leh kóng siánn-mih
我有一寡話 guá ū tsi̍t-kuá uē 真想欲予你知影 tsin siūnn-beh hōo lí tsai-iánn 我的真情意 guá ê tsin tsîng-ì 免講遐爾濟 bián-kóng hiah-nī tsē 先學一句我愛你 sing o̍h tsi̍t-kù guá ài lí
緊來講閩南語 kín lâi kóng Bân-lâm-gí 伊的趣味值千言萬語 i ê tshù-bī ta̍t tshian-giân bān-gí 對你的愛 tuì lí ê ài 像閩南語 tshiūnn Bân-lâm-gí 止喙焦閣袂礙胃 tsí tshuì-ta koh bē gāi-uī 緊來講閩南語 kín lâi kóng Bân-lâm-gí 陪伴阮大漢點點滴滴 puê-phuānn gún tuā-hàn tiám-tiám-tih-tih 愈飛愈遠 jú pue jú hn̄g Find more lyrics at ※ Mojim.com 愈思念伊 jú su-liām i 咱的心肝寶貝 lán ê sim-kuann-pó-puè 世間上媠的話 sè-kan siōng suí ê uē
拍開la-jí-iooh phah-khui la-jí-iooh 聽你唱港都夜雨 thiann lí tshiùnn Káng-too-iā-hōo 想當初 siūnn tong-tshoo 你嘛是緣投甲無法度 lí mā sī iân-tâu kah bô-huat-tōo 行唱歌的路 kiânn tshiùnn-kua ê lōo 天頂的阿公看顧 thinn-tíng ê a-kong khuànn-kòo 像火金蛄 tshiūnn hué-kim-koo 你是我永遠的Idol lí sī guá íng-uán ê Idol
我有一寡話 guá ū tsi̍t-kuá uē 真想欲予你知影 tsin siūnn-beh hōo lí tsai-iánn 我的真情意 guá ê tsin tsîng-ì 免講遐爾濟 bián-kóng hiah-nī tsē 先學一句我愛你 sing o̍h tsi̍t-kù guá ài lí
緊來講閩南語 kín lâi kóng Bân-lâm-gí 伊的趣味值千言萬語 i ê tshù-bī ta̍t thian-giân bān-gí 對你的愛 tuì lí ê ài 像閩南語 tshiūnn Bân-lâm-gí 止喙焦閣袂礙胃 tsí tshuì-ta koh bē gāi-uī
緊來講閩南語 kín lâi kóng Bân-lâm-gí 陪伴阮大漢點點滴滴 puê-phuānn gún tuā-hàn tiám-tiám-tih-tih 愈飛愈遠 jú pue jú hn̄g 愈思念伊 jú su-liām i 咱的心肝寶貝 lán ê sim-kuann-pó-puè 這世間上媠的話 tse sè-kan siōng suí ê uē
佇囡仔時 tī gín-á-sî 綴尻川尾黏黐黐 tuè kha-tshng-bué liâm-thi-thi 幫阮蓋被 pang gún kah-phuē 佇三更半暝 tī sann-kinn-puànn-mî 花若離枝 hue nā lî ki 離開故鄉千萬里 lī-khui kòo-hiong tshian-bān lí 恁教阮講的 lín kà gún kóng ê 是厝的名字 sī tshù ê miâ-jī
緊來講閩南語 kín lâi kóng Bân-lâm-gí 伊的趣味值千言萬語 i ê tshù-bī ta̍t thian-giân bān-gí 對你的愛 tuì lí ê ài 像閩南語 tshiūnn Bân-lâm-gí 止喙焦閣袂礙胃 tsí tshuì-ta koh bē gāi-uī
緊來講閩南語 kín lâi kóng Bân-lâm-gí 陪伴阮大漢點點滴滴 puê-phuānn gún tuā-hàn tiám-tiám-tih-tih 愈飛愈遠 jú pue jú hn̄g 愈思念伊 jú su-liām i 咱的心肝寶貝 lán ê sim-kuann-pó-puè 這世間上媠的話 tse sè-kan siōng suí ê uē 這世間上媠的話 tse sè-kan siōng suí ê uē
- Special thanks to W.B. Chen for correcting the lyric.
- Related Links: W.B. Chen
|