- Album Intro
- Lyrics
- Album list
台語新浪潮2
-
不知你(藍燁 & 林沛蕎)
Lyricist:凃凱傑、藍燁 Composer:凃凱傑、藍燁
* 不知你 咁還閣會記 (趁我今嘛還會記) 不知你 今嘛佇佗位 (你留予我是最後的勇氣) 不知你 咁還會想起 我的心猶未還 (我一定為你活下去)
不知你 咁還閣會記 (趁我今嘛還會記) 不知你 今嘛佇佗位 (你今嘛人到底 置叨位 置叨位) 我想欲隨你去 (你的恩情我絕對 永遠攏會記)
(Rap) 我想欲隨你去 現此時你今嘛飛的所在 彼個所在 所有的痛苦煩惱悲傷攏無咱的底代 這個時代 所有的新聞播的家庭倫理攏無一個實在 在我心內 你的孝順你的慈祥 甲你滿滿的愛 是留給阮這些子兒世小 對你永遠的尊重 在我們痛苦煩惱悲傷的時陣 賜乎阮力量 人常常塊說人世間的代誌 都發生無常 想不到有一天真正看不到 你的笑容
** 你時常都會點著一支長壽菸 舊襯衫配西裝褲 愛看布袋戲相戰 逐工去公司報到 準時都袂弄溜連 騎一隻打檔車 來來去去攏無變
你留給阮的愛 阮會呷放塊心內 無法度講出來 過去無法度重來 把悲傷化做力量 我寫作這塊歌 不知影 不知影 你咁會知影(*)
不知影你今嘛佇咧彼個所在 天氣好某 是不是像你離開的彼日同款 你咁有穿燒 冷風吹佇在我的身軀 我感覺袂到 就親像彼日得到你的消息 我感覺不對 在阮的身軀邊的這個你 欲永遠消失 雖然很想要相信你的靈魂 也是甲阮逗陣 但是閣 卡想欲祝福 你會使飛到 閣卡高的所在去 不通閣受到人世間的 身苦病痛的拖累(**)
------------------------------------------
14102/《毋知你》M̄-tsai Lí 藍燁Nâ Ia̍p 林沛蕎Lîm Phài-kiâu
毋知你敢猶閣會記 m̄-tsai lí kám iáu-koh ē-kì (趁我這馬猶會記) (thàn guá tsit-má iáu ē-kì) 毋知你這馬佇佗位 m̄-tsai lí tsit-má tī tó-uī (你留予我是最後的勇氣) (lí lâu hōo guá sī tsuè-āu ê ióng-khì) 毋知你敢猶會想起 m̄-tsai lí kám iáu ē siūnn-khí 我的心猶未還 guá ê sim iáu-buē hîng (我一定為你活落去) (guá it-tīng uī lí ua̍h--lo̍h-khì)
毋知你敢猶閣會記 m̄-tsai lí kám iáu-koh ē-kì (趁我這馬猶會記) (thàn guá tsit-má iáu ē-kì) 毋知你這馬佇佗位 m̄-tsai lí tsit-má tī tó-uī (你這馬人到底佇佗位佇佗位) (lí tsit-má lâng tàu-té tī tó-uī tī tó-uī) 我想欲綴你去 guá siūnn-beh tuè lí khì (你的恩情我絕對永遠攏會記) (lí ê un-tsîng guá tsua̍t-tuì íng-uán lóng ē-kì)
↓↓(RAP)---(RAP)---(RAP)↓↓ 我想欲綴你去 guá siūnn-beh tuè lí khì 現此時 hiān-tshú-sî 你這馬飛的所在 lí tsit-má pue ê sóo-tsāi 彼个所在 hit ê sóo-tsāi 所有的痛苦 sóo-ū ê thòng-khóo 煩惱悲傷 huân-ló pi-siong 攏無咱的底代 lóng bô lán ê tī-tāi 這个時代 tsit ê sî-tāi 所有的新聞 sóo-ū ê sin-bûn 播的家庭倫理 pòo ê ka-tîng lûn-lí 攏無一个實在 lóng bô tsi̍t-ê si̍t-tsāi 在我心內 tsāi guá sim-lāi 你的有孝 lí ê iú-hàu 你的慈祥 lí ê tsû siông 佮你滿滿的愛 kah lí muá-muá ê ài 是留予阮 sī lâu hōo gún 一寡囝兒序細 Find more lyrics at ※ Mojim.com tsi̍t-kuá kiánn-jî sī-suè 對你永遠的尊重 tuì lí íng-uán ê tsun-tiōng 在阮痛苦煩惱 tsāi gún thòng-khóo huân-ló 悲傷的時陣 pi-siong ê sî-tsūn 賜予阮力量 sù hōo gún li̍k-liōng 人定定咧講 lâng tiānn-tiānn teh kóng 人世間的代誌 jîn-sè-kan ê tāi-tsì 攏發生無常 lóng huat-sing bû-siông 想袂到 siūnn buē-kàu 有一工 ū tsi̍t-kang 真正看袂著 tsin-tsiànn khuànn buē-tio̍h 你的笑容 lí ê tshiò-iông
你時常攏會 lí sî-siông lóng ē 點著一枝長壽薰 tiám tio̍h tsi̍t-ki tn̂g-siū hun 舊siá-tsirh配西裝褲 kū siá-tsirh phuè se-tsong-khòo 愛看布袋戲相戰 ài khuànn pòo-tē-hì sio-siàn 逐工去公司報到 ta̍k-kang khì kong-si pò-tò 準時都袂浪溜嗹 tsún-sî to buē lōng-liú-lian 騎一隻拍gí-ah車 khiâ tsi̍t-tsiah phah-gí-ah-tshia 來來去去攏無變 lâi-lâi-khì-khì lóng bô piàn
你留予阮的愛 lí lâu hōo gún ê ài 阮會共囥咧心內 gún ē kā khǹg-leh sim-lāi 無法度講出來 bô-huat-tōo kóng--tshut-lâi 過去無法度重來 kuè-khì bô-huat-tōo tîng-lâi 共悲傷化做力量 kā pi-siong huà-tsuè li̍k-liōng 我寫做這塊歌 guá siá tsuè tsit tè kua 毋知影 m̄ tsai-iánn 毋知影 m̄ tsai-iánn 你敢會知影 lí kám ē tsai-iánn ↑↑(RAP)---(RAP)---(RAP)↑↑
↓↓(RAP)---(RAP)---(RAP)↓↓ 毋知影 m̄ tsai-iánn 你這馬佇咧 lí tsit-má tī-leh 彼个所在 hit ê sóo-tsāi 天氣好無 thinn-khì hó--bô 是毋是像你 sī-m̄-sī tshiūnn lí 離開的彼日仝款 lī-khui ê hit ji̍t kāng-khuán 你敢有穿燒 lí kám ū tshīng sio 冷風吹佇咧 líng-hong tshue tī-leh 我的身軀 guá ê sin-khu 我感覺袂著 guá kám-kak buē-tio̍h 就親像彼日 tiō tshin-tshiūnn hit ji̍t 得著你的消息 tit-tio̍h lí ê siau-sit 我感覺毋著 guá kám-kak m̄-tio̍h 在阮的身軀邊的 tsāi gún ê sin-khu-pinn ê 這个你 tsit ê lí 欲永遠消失 beh íng-uán siau-sit 雖然真想欲 sui-jiân tsin siūnn-beh 相信你的靈魂 siong-sìn lí ê lîng-hûn 也是佮阮鬥陣 iā-sī kah gún tàu-tīn 但是閣較想欲祝福 tān-sī koh-khah siūnn-beh tsiok-hok 你會使飛到 lí ē-sái pue kàu 閣較懸的所在去 koh-khah kuân ê sóo-tsāi khì 毋通閣受著 m̄-thang koh siū-tio̍h 人世間的 jîn-sè-kan ê 身苦病疼的拖累 sin khóo pīnn-thiànn ê thua-luī ↑↑(RAP)---(RAP)---(RAP)↑↑
- Special thanks to W.B. Chen for correcting the lyric.
- Related Links: W.B. Chen
|